我潮媽搞乜嘢？之前個背脊紅嘥？
其實我最近學人刮痧排毒，揾人刮？唔係，我係用咗OSIM新出全港首創刮痧按摩棒。
我不嬲都鐘意按摩，算是骨精，（每逢到泰國一定按幾次，臨上機前都同朋友衝去按摩，最後飛的趕住去機場，好變態呢班女人...哈哈！）。以前返工成 日睇電腦搞到頸梗膊痛，希望按摩整走疲勞。我仲試過要（係迫）老公同我一齊學肩頸按摩，可惜佢成日按唔到要害，激死人！不過，呢幾年揍住小朋友想去按摩都唔容易，而且長期照顧佢地，又拎嘢，又抱佢地，搞到肩頸位好攰好痛。
之前去咗OSIM舖頭試咗呢支新刮痧按摩棒，健康顧問先講解按摩棒與以往的有何分別及功能。
功能：
首先，呢支按摩棒有別於以往，佢唔單只係按摩棒，佢有個可調整式刮痧板，本身刮痧係中醫保健療法，通經活絡，減少病痛，有效促進排毒，去水腫，去疲勞功效。另外，加入震動捶打，可以深入肌肉層，快速地紓緩肌肉酸痛。仲有按摩頭有温熱功能，可以促進血液循環，加速排走體內嘅乳酸。而且長型手柄設計非常貼心, 令用家可以輕易按摩較難按的位置。
聽完我已急不及待想 試下用按摩棒刮痧係點？健康顧問幫我搽啲凡士林（我諗我可以用香薰油代替），咁樣先容易刮。先係肩頸位置用温熱功能讓肌肉放鬆，等一陣刮更容易將體內毒素 排走。感覺暖暖，我已經覺得好舒服。之後，健康顧問拎住按摩棒好似切嘢咁逐下逐下按壓（幾下），原來咁樣叫「起痧」。跟住，就利用刮痧板刮落肩頸直至有紅 （大概20-30下），即「痧」「痧」原來係人體代產物（即毒素）,痧的顔色越深表示有疾病越重。健康顧問話一般都市人都因血液循環慢，所以我地第一次刮嘅痧多數係較紅。如果keep住刮多幾次痧, 刮出嚟嘅痧會有所改善及變淺。
我嘅痧都幾勁，睇嚟我真係好攰。你問我刮時痛唔痛？我唔覺痛（可能我幾受力），刮完紅咗位置亦無刮損感覺，應該同佢刮板邊緣光滑有關。我反而係肩頸位即刻輕咗咁，好耐無呢種咁正咁到肉嘅感覺, 我諗按開摩嘅朋友會明我講乜!
健康顧問仲話刮痧按摩棒除咗肩頸位外，仲可以刮背丶兩臂丶大腿小腿等位置，如常刮經絡（督脈丶膀胱經及膽經）可有助提高免疫力丶去水腫丶去疲勞同埋修身美客效果。聽到美容修身，我返屋企隔咗幾日啲紅散咗又嚟過，仲試下幫沙律刮下，佢都幾enjoy。
如果想知多啲關於刮痧按摩棒，大家可以入去我嘅Blog睇多啲資料同相片（我幫沙律同老公刮痧），仲有刮痧小貼士。
Blog Link: https://ymsecrets.net/2016/06/01/刮痧排毒-osim-全港首創刮痧按摩棒-upamper-2/
